კონფიდენციალურობის პოლიტიკა

ვინ ვართ

პერსონალურ მონაცემებს ამუშავებს შპს დიჯითალაიზ, საიდენტიფიკაციო კოდი 400419739. კონტაქტი: info@digitalize.ge.

რა მონაცემებს ვაგროვებთ

კონსულტაციის ფორმით ვაგროვებთ სახელს, ტელეფონს, ბიზნესის ტიპს, სასურველ სერვისს და, თუ დაწერთ, შეტყობინებას. ინგლისურენოვან ფორმაში შეგიძლიათ ასევე მიუთითოთ ელფოსტა და ბიუჯეტი. ფორმასთან ერთად ვინახავთ გაგზავნის დროს და, ქართულენოვანი ფორმის შემთხვევაში, გვერდს, საიდანაც ის გაიგზავნა. სავალდებულო ველების გარეშე მოთხოვნას ვერ განვიხილავთ.

სპამისგან დასაცავად IP მისამართს დროებით ვიყენებთ და მონაცემთა ბაზაში არ ვინახავთ. ჰოსტინგის პროვაიდერი საიტის უსაფრთხოებისა და მუშაობისთვის ტექნიკურ ჟურნალში აღრიცხავს მოთხოვნებს: IP მისამართს, ბრაუზერის ტიპს და გახსნილ გვერდს.

რისთვის და რა საფუძვლით

მონაცემებს ვიყენებთ თქვენი მოთხოვნის განსახილველად: დაგიკავშირდებით, ვუპასუხებთ კითხვებს და, თუ გსურთ, შევათანხმებთ თანამშრომლობას. თუ ელფოსტა მიუთითეთ, გამოგიგზავნით მოთხოვნის მიღების დადასტურებას.

საფუძველია „პერსონალურ მონაცემთა დაცვის შესახებ“ საქართველოს კანონის მე-5 მუხლის პირველი პუნქტის „კ“ ქვეპუნქტი (თქვენი მოთხოვნის განხილვა) და „ბ“ ქვეპუნქტი (თქვენივე მოთხოვნით ხელშეკრულების დადებისთვის საჭირო ნაბიჯები). მონაცემებს არ ვყიდით და რეკლამისთვის არ ვიყენებთ.

ვინ ამუშავებს მონაცემებს

საიტის ჰოსტინგი და მონაცემთა ბაზა: Railway (railway.com). საიტი და ბაზა მუშაობს Railway-ის სერვერებზე ნიდერლანდებში.

ელფოსტის გაგზავნა: Mailgun (mailgun.com, Sinch-ის ჯგუფი). ვიყენებთ მის ევროკავშირის რეგიონს.

გუნდის მოთხოვნების სია: Notion (notion.com). მასში გადადის სახელი, ტელეფონი, ბიზნესის ტიპი, სერვისი, შეტყობინება და გვერდი, საიდანაც ფორმა გაიგზავნა.

გუნდის ელფოსტა: Google Workspace (Google). ახალი მოთხოვნის შესახებ შეტყობინება, მოთხოვნის დეტალებით, მიდის გუნდის საფოსტო ყუთში (info@digitalize.ge).

მონაცემები საზღვარგარეთ

ნიდერლანდები და ევროკავშირის სხვა ქვეყნები შედის საქართველოს სახელმწიფო აუდიტის სამსახურის მიერ დამტკიცებულ, მონაცემთა დაცვის სათანადო გარანტიების მქონე ქვეყნების ნუსხაში. აშშ ამ ნუსხაში არ შედის.

Notion მონაცემებს ნაგულისხმევად აშშ-ში ინახავს. Google მონაცემებს შეიძლება ამუშავებდეს სხვადასხვა ქვეყანაში, მათ შორის აშშ-ში. Railway აშშ-ის კომპანიაა და, მისი მონაცემთა დამუშავების დანართის მიხედვით, ძირითად ოპერაციებს აშშ-ში ახორციელებს. Mailgun-ის მხარდაჭერას აშშ-ში მდებარე კომპანია უზრუნველყოფს. ამიტომ თქვენი მონაცემები შეიძლება აშშ-ში დამუშავდეს ან იქიდან იყოს ხელმისაწვდომი.

რამდენ ხანს ვინახავთ

მოთხოვნას ვინახავთ მხოლოდ იმ ვადით, რაც საჭიროა მის განსახილველად და თანამშრომლობის შესათანხმებლად. შენახულ მოთხოვნებს საიტის ბაზაში, Notion-ში და გუნდის ფოსტაში ხელით ვამოწმებთ არანაკლებ ექვს თვეში ერთხელ და ვშლით ან ვაანონიმურებთ მათ, რომლებიც აღარ გვჭირდება.

თუ თანამშრომლობას დავიწყებთ, ხელშეკრულებისთვის საჭირო მონაცემებს ვინახავთ ხელშეკრულების მოქმედების განმავლობაში და იმ ვადით, რასაც კანონი მოითხოვს. პროვაიდერების ტექნიკური ჟურნალები ინახება მათ მიერ განსაზღვრული ვადით.

თქვენი უფლებები

შეგიძლიათ მოითხოვოთ ინფორმაცია თქვენი მონაცემების დამუშავების შესახებ, მათი გაცნობა და ასლის მიღება, გასწორება, დამუშავების შეწყვეტა, წაშლა ან დაბლოკვა. მოგვწერეთ: info@digitalize.ge. გიპასუხებთ კანონით დადგენილ ვადაში.

წაშლის მოთხოვნისას მოთხოვნას ვშლით საიტის ბაზიდან, Notion-იდან და გუნდის ფოსტიდან. პროვაიდერების ტექნიკური ჟურნალები მათ მიერ განსაზღვრული ვადით ინახება.

საჩივრით შეგიძლიათ მიმართოთ საქართველოს სახელმწიფო აუდიტის სამსახურს (sao.ge) ან სასამართლოს.

Cookie-ები

საჯარო გვერდებზე საიტი იყენებს მხოლოდ ენის cookie-ს (NEXT_LOCALE), რომელიც ბრაუზერის სესიის განმავლობაში ინახავს საიტის ენას. ანალიტიკურ და სარეკლამო cookie-ებს არ ვიყენებთ.

გუნდის წევრებს ადმინისტრაციულ ნაწილში შესვლისას ეყენებათ შესვლის cookie, რომელიც 14 დღემდე მოქმედებს.

ცვლილებები

პოლიტიკის განახლებისას ამ გვერდზე შევცვლით თარიღს.